Бұл бөлім Қазақстан Республикасының 2006 жылғы 7 шілдедегі «Концессиялар туралы» және 2015 жылғы 31 қазандағы «Мемлекеттік-жекешелік әріптестік туралы» заңдарын іске асыру мақсатында әзірленді және республикалық және коммуналдық меншікке жататын объектілер бойынша жасалған концессиялық және мемлекеттік-жекешелік әріптестік шарттарының тізілімдеріне енгізілген деректерді қарауға арналған (бұдан әрі – Тізілімдер). Тізілімдерді республикалық меншікке иелік ету құқығын жүзеге асыратын уәкілетті мемлекеттік орган, сондай-ақ облыстардың, республикалық маңызы бар қалалардың және астананың жергілікті атқарушы органдары жүргізеді.

Қызметке қол жеткізу құқығы беріледі:

Орталық және жергілікті атқарушы органдардың қызметкерлеріне, егер оларда Қазақстанның Ұлттық куәландыру орталығы берген электрондық цифрлық қолтаңба болса

Тізілімдерге қол жеткізу мемлекеттік органның жазбаша өтінімі негізінде (жүктеу өтінім нысаны) жүзеге асырылады. Өтінім Қазақстан Республикасы Үкіметінің 2011 жылғы 15 шілдедегі № 802 қаулысына сәйкес мемлекеттік мүлікті есепке алу саласындағы Бірыңғай оператор болып айқындалған «Ақпараттық-есеп орталығы» акционерлік қоғамына беріледі.